JUGpress

Beograd

Afirmativnona akcija  akava berš ko fakultetia ani Srbija anoramosinde 185 Roma. A angluno drom romane brucošonenđe  ani Čedimasiri Srbijakiri anovastipe si dine  jekhčivande  stipendije ano molipe oto  15.000 dinaria.

Ko dejba o stipendije  ine em o Ministri Milan Marković, kova  vaćherđa soj si resipe e napinengoro afirmativno akcijengoro Ministrijakere aso manušikane em minoriteska hakaja em  thanuthni korkolivastelipnasiri, te delpe vazdipe kajamćheripnasoro e Roma em  pobaro tatarćheripa akale nacionalno minoritesoro ano amalipe  em politikakoro đivdipe ani Srbija.

“Resipe ministrijakoro si te so pobaro džendo e Roma čeren buti ani raštrakiri prašasni em ko adava čane oven kaderi te loćharen e peravćherdenđe  ple nacionalno minoritese.Ano akalan nekobor dive  ka ovel araklo čeripe problemesoro anoramosipnasoro  panda 34 romane studentengoro kola na romoserde fakultetia. Ministria ka lungarini pa napinenca afirmativno akcijenca kola ka buljarenpe em ko butićheripe  romane katanipnase”, motovćherđa o Marković.

“Romano katanipe si jekh oto majčorore em majbikajamćherde, semo oto 0,1 dži 0,3 postia peravćherde romane minoritesere  agorisini falultetia. Valjani te o Roma oven ko  barikane thana ani raštrakiri prašasni kote analape krisia oto olengiri šarajka, a napia ministrijakere but lače si čane adava te ovel čače”, motovela o presidenti Nacionalno konsili romane nacionalno minoritesoro Vitomir Mihajlović