JUGpress

BEOGRAD

Ano andar «Beogradesko kurko romanja kulturako» savo ka  ičerelpe  oto 1. dži  o 8. decembar akale beršeste.

Ko angluno decembar  ano anglunepladnesere  satia ka ovel ičerdo   maškarthemutno  Rotalo kaštunalo  pi tema «Droma barjovipnasere e kulturakere  em  edukuipaskire politike e Roma ani Evropa».

Koa kava  dive   ani Roma Art Galerija,   ka ovol pravdi Ekspozita piltengi telo anav «Nomad Art», ani organizacia LUR, kote ka oven motovde buča e deš romane  makivarengiri.


Ki  akaja ekspozita ka oven ikalde pilte e: Vladimir Aleksićesere, Toni Anušićesere, Radomir Useinovićeresere, Mina Karadžićesere, Zoran Tairovićesere, Slobodan Karadžićesere, Slobodan Milosavljevićesere, Miloš Vasićesere, Maja Ljubotina Antonesku thaj Dragan Ž. Vasiljkovićesere.

Ekspozita ka ovol dži 10. decembri a palo odova nakhela ano Kruševac, Kraljevo, Niš  em  Novi Sad.

Palo prajba ekspozitakoro, ka ovol hepening ano savo jekh gendo themeskere thaj kulturakere butikerdutnenge, maškar save si  em  ministri paši  buti em  socialno politika Rasim Ljajić, kase ka dolpe Naisaribe, savo delape pašo barjovipe  em emancipacia e Romengiri ani Srbia.