JUGpress

BEOGRAD

Amalipe ternengiri e Roma ani Srbija, suportuime oto rig Nacionalno demokratsko institute, lungarel te organizuinel serije  rotale kaštunelengoro oti ternengiri politika e Roma ani Srbija.

Angluno rotalo kaštunalo ičerdo si ani Niš, ano juni masek, dujto ani Beograd ano septembar, trito ani Kragujevca ano oktombar em štarto ani Novi Sad ano novembar masek.

Ano sombutipe pa varvar  manglećherde rigenca, Amalipe ternengoro e Roma Srbija čerđa nacrti avuthna Platformakoro oto ternengiri politika, a ko fundo oto piktura trđovipnasoro e Romnja em Roma ani Srbija em ano ikljovipe pa araklenca em bičalne aberenca duje relativnone strategijengoro-Strategija aso anglunićheripe trđovipnasoro e Romam em Strategijakoro aso terne.

 Godipe si te ano  paticipativno procesi pa terne  Romenca ando sa e riga  Srbijakere avuthni  Platforma  te šaj so pobuter  te barvaljol e peke đandipna em te ovel esavki te zazurinelpe e terne Romenđe em Romnjenđe em  e godipnasere arakle čeripnasere problemengoro pa kolenca si on sakoj dive dikenape ano jača. Ađar, akava bi ovela okazia te o terne  čedenape em motovena ple pekeđandipna em vačerena oto pučipa  kola tag pandle pa egzistencija e terne Romenca em Romnjenca ani Srbija avdije.

Rotale kaštunale si dinde e terne Romenđe em Romnjenđe  oto 15 đi o 30 berš, sa edukuipnasere kategorijenđe. Okazia alorisipna  hisamedalen igarđape  čedipe oto đuvljikano em  muršano jekhovipe, varvaripeano aktivističko pekođandipe, sar em oto sa aver aspektia kola šaj te den pester so si šaj pobuter ko reprezentativnost  e Romane ternengoro.