JUGpress

Leskovac

Ano Ćher kulturakoro e Roma Leskovac ičerdi pozorišno  motovdi Romane forumesiri  teatrosiri andi Beograd talo anav “Život pored puta – Dživdipe karin  o drom” ano andar nacionalno kampanja  maripnasiri kontral  biknipe o manuša.

“Motovdi Romane forumesiri  teatrosiri  si malke te delpe  e ternja  populacijače, azaluthne e romane katanipnase, lengere  dadeđe em dijenđe a astardo si kotor  kampanjakoro kontral bikipnasoro e manušen. “Dživdipe karin  o drom” si paramiči oto manuš kova biknela  pla dešudujberšengara  ćhija e Švabase, Rom andi Germanija. E ćhaj ko zori oto dad  bikamipna  delape e Švabase em ate avena  o džungalipa. Švaba butala em igari ki prostitucija tikora ćhijorja talo anav Luluđi.

E motovdi si interaktivno em isila edukativno  tabijati. Pale motovdi e publika paruvavel o scene kola olače najlače.

Sakoj berš oto 2 đi o 4 milonija manuša ovena kurbania bikipnasoro e munuša, kola  e čorenđe anena astardipe oto 30-60 milijarde dolarija.

Ano naklo vakhti, e policija  Srbijakiri si meklja 403 krisi bange motovde  kontral 725 manuša, pašo  čerde 494 krisi bange buča  ano astardipe pa biknipna manušen.

Ano paluthne panđ berša, 80% inditifikuime  kurbania ani Srbia si  ćheruthne raštačerde. Oto adava sakoj dujtho kurbani si čavoro. Semo 20% kurbania si motovćherde  naisćheripnase themuthengoro em aver akterengoro, đikaj sa  aver  sura pučarđa e policija.

 Bulipnasiri  Ćher kulturakoro e Roma  ine perdi dikljaćherdenca  baripnaserea oto 14 berš pa  naupre, a maškar olende em purane manušqa.