JUGpress

Leskovac

O potpalori leskovačkona Policijakere prašasnakoro Boban Zdravković vačerđa erat e JUGpressose so e policija panda  čerela buti ko ojačeripe sa o fakte pandle

aso incidenti ano kova si kuvde štar džene, duj inkansantija  thanuthne Elektrodistribucijakere em duj  Roma.

Zdravković naštine te motoj  sar si durust kuvde akala štar manuša đikaj na ka ovel agorisime  e  istraga.

Ov panda vačerđa so e policija  đanela  oto  čingaripe đi kaste  alo  ked  o bučarne  Elektrodistribucijakere  mangle te  činen  e struja  ko ćher ano kova si i diskoteka

em soj jekh  manuš pare kuvdo, a tri po loke.

Pojekh leskovačka medije  motovde so pobaro  minori Roma pele te maren  dujen bučarnen  Elektrodistribucijakere  em mardolen  kašternca  numaj  najmotovdo sar

si marde duj Roma oto kova  jekh  ine okova kasiri si i diskoteka  oti koja si o bučarne  mangle te činen e struja.

Incidenti ulo ko drom kova igari premalo jekh oto  pero ano  kova  đivdinena  pobuter Roma, Podvorca.

Nesave oto romane perićherde andi Leskovca  pendle aso JUGpress so o medijsko motovipe ano kova na šunelape em aver rig, Roma  kola si hisamedalija incidentosere

so si ulo ano paluthno vakhti  igari “džungalo  rat” ani diz ano kova đivdinena Srbinake  em  Roma  em šaj negativno te  del ko maškarselipnasere  maškaripna.