JUGpress

Leskovac

Praviba Demokratsko levica  e Roma(DLR)  amen amare themuthnenđe dinđam šaipe te hisamedalinen ko alosripa, te oven adala  kola ka kreirinen o đivdipe

Romemgoro em maškaripe raštrakoro premalo džungalipa akale mionoritesoro, vačerdo erati  ki ičerdi alosardi  čedimnasiri dizijekere bordosiri akala partijakoro

ani Leskovca.

“E Raštra amenđe dinđa šaipe te politički organizuinamen. Srbija čerela šaipe te arakel o čeripe  džungalengoro  romane katanipnasere, numaj adava nane kobor

valjani. Hisamedalipna ano butipe thanuthne em republičkone organende, amen kuva temeljo amara korkoroorganizacijačhe  ano araklo čeripe edukuipnasere,

egzistencijakere em aver pučipa kola  tarena e Romen”, vačerđa o presidento DLR  em selorikano bičaldo Jovan Damjanović.

Damjanović vičinđa  e Romen  “ten a bešen  pandle vastenca  em te ko avuthne  aloseripa  den  paćaipe  e političarenđe  romane  selipnaserese”.

“Me  mle Romenđe vačerava-len sa so denatumen  aver, numaj alosaren aso tumari  stranka. Adaleja  tumen  lena  džovapićheripe  em čerena  pošukar  avipe

aso  tumenđe em  aso tumare čave. Raštra si  čorori. Amen avre amalen oto  Srbikane  ani akaja  raštra naneamen, numaj oto majčororo  Srbikano, amen si  i

njam deš droma po čorore. Adalese alo vakhti te menina o  šeha”, krloćherđa o Damjanović.

Egzistencijalna džungalipa si džungalipa kola kuvena majbare dukavipna e leskovačkone Romen, šnđape ko alosardi čedipnasiri.

“Ano amaro themesko but vačeripe oto ovavne azilantija. Nikoj  ni pučljape  sose e Roma  đana ani Nemačko em aver uestoeropska phuvja. Amare  leskovačka

Roma ađičerena  em po duj berš ko arakločeripe oto matrijalno loćharipe Maškaresoro aso socijalo  buti. Kana em lena o arakločeripe, on  pa 6000 masekosoro

dejba  našti te panden o komunalije, parvalipe em bičalen e čaven ani sikadi. Adava  aspekti akale džungalipnaserengoro nikoj ani raštra em Leskovca na mangel

te dikelpe ano jača. Amen musaj te araka o čeripe  em džungalipe but bare udžilipnasoro asi električno struja. Premalo nesave  mle podacia, e Roma ani Leskovca

asi struja  udžilinena  34 milionija dinaria  sasaik”, vačerđa o presidento GrO DLR, Zoran Amedović.

Zalo Amedović, erati si aloserde  em trin terederpresidentia  dizijakere borbosere.

Marijana Anđelković si čivdi aso presidentica  Forum Džuvljengiri. Oto avuthne koalicije, e strankakere  organija ka anen krisi ano dive kola avena.

Jekh si džando so ka sombutipe ka ovel  okole  strankenca  kola si đi akana  dinde  perdi suportacija integracijače e Roma.