JUGpress

Novi Sad

Palo baro kamjabijalipe multietničkona perićherda „Tu em me semo amen” ani Bujanovca em Beograd, ano decembar 2009.berš, maškaruthne sikavne Albanci, Srbikane em Roma andi Bujanovac em Preševo tinejdžersko šou oto barjovipe ko sudo Srbijaće, ko pumare trin ćhibija em ko engleski, ka čelen ani  Kikinda , Zrenjanin , Sremsko Mitrovica , Šid em Sombor, a i perićherdi 19.maja ka pravel o 39.Vukovo čedipe ani loznica.

Paši turneja perićherdakiri „Tu em me semo amen” ki Vojvodina ičerđape konferencia aso žurnalistia, ano Ekzekutivno pobaresoro AP Vojvdina.

„Akava musafiripe ani Vojvodina anela but but baro peklo đandipe, jel on šaj paćavipnase  pale angluno drom, nekoj olendar, ka ovel ano ćhera e Mađarenđe, Srbikanenđe, Rusinenđe pa ka diken nesave ačkaja kola đitegani na dikle jel si ine ano pandle katanipna kola isilen pumare usulia em pumare hakaipna” motovikljaćherđa o reditelji perićherdakoro Aleksanadar Lazić.

„Amare purane amala, amare kolege, političaria kola nane kaderi akava te mangen, olen jekhjekhutne rugina te ano akava na zadinenamem em mekena akale čaven te čeren nasavo šužo, perspektivno avipćheripe  no sar si ine o nakavdipe” motovela presidenti Koordinacionesero badano aso Bujanovac, Preševo em Medveđa em ministri aso raštrakiri ortojo em thanutni korkorivastelipnasiri Milan Marković.

Presidenti  Ekzikutivnone  pobaresoro AP Vojvodine Bojan Pajtić molarini so, kana na penđaramen, kana isiamen anglume krisime jekh avrestar tegani si čerde sa anglunećinidipa asi distehničko duripe, aso šovinizam em aso na alipa lafia.

„Ka amalunentumen but šukar, ka sikljoven neso jekh oto avrendar, a ače manđe pale kamle so ka ovelamen okazia te motova tumenđe sar dičola o šundo sremsko musafiripe” vačerđa o presidenti komunakoro Šid Nataša Cvetković.

Perićherdi si iklistili ando edukativno-ustadume projekto Koordinacione badanesoro Vlada Srbijakoro asi  komune Preševo, Medveđa em  Bujanovac. Maškaruthne sikavne si em autoria tekstosoro a buča ki perićherdi prenakle o nacionalna cidimnasere sakojdivesere đivdipna.