|
Švedska frdela i kritika oti deportacia |
 |
 |
 |
|
Napisao JUGpress
|
|
petak, 26 februar 2010 00:00 |
|
Stokholm/Kosovska Mitrovica
Švedsko ministri asi migracia Tobias Bilstromsi frdinđa i maškarselorikani kritika pašo krisi Švedskakoro te irinenpe ani bijandi phuv paldime Roma ko Kosovo.
Pale dikipe ko nordo Kosovo ko angluno kurko, paćapnasoro aso manušikane hakaja Konsili Evropakoro Tomas Hamarberg rodinđa sa savipno trđovipe o deportacie e Roma ko Kosovo pašonehumane ćinidipa ano našljaćherde kampia.
Ankova Bilstrom, vačerđa e švedkone radio nevipnanđe, so zalo pare ćinidipa pa kolenca o paldime Roma dikenape ano jača ani orjentalno Evropa, svedsko kanuni na dela te animiserinipe ano krisia ministriakiri migraciakiri, kola si hakajo oti deportacija oto suro đi o suro.
Premalo Baro komesariati Jekhuthne selipna asi paldime(UNHCR), Švedsko si deportuinđa majbaro džendo paldimengoro ko Kosovo, tataćheripe em čavoren ando romano minoriteti, bi dikindo ko but bešengoro darajba pašo phagipa manušengere hakaja ani phuv.
Premali statistika Jekuthne selipna pobuter oto 2.500 džene irindepse ando Evropakere phuvja đikaj 2009., šeresa andi Austria, Nemačka, Švedska em Švajcarska. Maškaro lende nesave Roma, agorisinde ano logoria Česmin Lug i Osterode kontamirime molivoa.
|
