|
Napisao JUGpress
|
|
ponedeljak, 01 mart 2010 00:00 |
|
Leskovac
Jugoslavensko biblisko amalipe em Evanđeosko protestansko kanđiri pođinćherde si projekti nakavipnasoro e Nevi sovli ki romani ćhib. Ano đikaj nakavipe Jevanđelji palo Marko kova valjani te štampinipe ko agor mart jel ko anglune dive o april.
„ Nakavipe e Nevi sovli ki romani ćhib ka ovel jek pale aver, ađar so ka nakavenpe em ka štampinenpe čeripna apostolska palo adaleseri dinamika, am ko agor ka štampinipe sa o Nevi sovli ki romani ćhib. Ko nakavipa Jevanđelji palo Marko buti čerde nekobor penđaruthne piruthne romanja ćhibijakere, numaj agorisimo nakavdo čera me em o profesori Kurtić Tane. Adalese so e romani ćhib nane panda standardizuime ka kandamen a.v. maškharuthne dijalektoa, pale ano Jevanđelje palo Marko ka ovel ari pobuter Gurbetsko dijalekto. Tane Kurtić kandelape gatiserćherda varijanta standizuima romanja ćhibija pa ortografija kola lelja o Nacionalno konsili e Roma em šukar penđaruthne romanja ćhibijakere ani Srbia” vačeri o pastori Evanđeosko protestansko kanđirjakoro ani Leskovca Bakić Šerif.
Bakić, panda vačeri so aso kanavipa e Nevi sovli ki romani ćhib kandelape e nakavipna Nevi sovli Komisijakoro sumnale arhijerejskoro sinodesoro Srbijakero trušulalna kanđirjakero, a palo zazuri em nakavipe Vuk Karadžićesoro em Dr Emilijano M.Čarnić.
|
