|
Beograd
Ambasadorka SAD ani Srbia Meri Vorlik ano na dur arakipe pa ministroa aso manušikane em minoritetska hakaja Svetozara Čiplićea vačerde oto majbare zumavipa em peoritetia ani rajona arakipnasere em promocijakere manušikane hakaja ani Republika Srbia, oto trvđovipe peravćherdengoro nacionalno minoritengoro em oto trvđovipe e Romengoro ani Republika Srbia.
Ambasadorka Vorlik motovđa čaljardipe palo pučipa advisuthne aktivnostinengoro e Ministriakoro, azaluthne ano rajono kanuniandipnasoro em aniba hakaja aktia, sar si Kanuni oto pagiba diskriminacia, Kanuni oto nacionalna minoritetia sar em Strategia aso anuglunićheripa e Roma em čerđa vastipe e planose Ministriakoro te ano paše avipe delpe surat em bahaninipe strategiakoro aso anglunićheripa manušikane hakaja.
Ministari Čiplić si pominđa dajba pestar e Ministria te e Poverenikose aso barabarhakaja ano majsiguthno avuipe arakenape zazuresere bulipna em logističko suportacia aso bipandlo čeriba buti.
Vorlikova čerđa sastipe aso trudo Ministriakoro kova dinđa ki realizacia nadur ičerde aloseripa aso nacionalna konsilia nacionalna minoitetia em motovćherđa so ka e SAD lungarini te suportuini e Ministria ani realizacia panda aktivnostinengere pandle aso nacionalna konsilia, azaluthne ano rajona edukacijakoro džene konsilengoro em olengoro aniba ano političko đivdipe Srbiakoro, ano sklado pa Kanunea oto nacionalna minoritetia.
Jekh oto teme vačeripnasere ine em trđovipe e Romengoro ani Republika Srbia, pa azuluthno iriniba ko aktivnostia Ministriakoro ano astaripe pa situacijakoro ano koja si e Roma araklepe ani Jabuka okova masek, numaj em ano astaripe pa romane perenca ani Beograd em aver dizija ani Srbia. Ambasadorka Vorlik čerđa čaljardipe palo pučipe čerdipnasoro azaluthno Sekretarijati aso nakajba e Strategija aso angluničeripe trđovipe e Roma ano andar Ministria em pečidćherđape pa panda planonenca Ministriakerenca ano andar kanavipe o Akciono plano aso implementacia e Strategia.-
|
