JUGpress

Leskovac

Ćher kulturakoro e Roma anao andar prlo „Programi aso terne“ organizuiđa jekhdivesiri  ekskurzia đi i Sijarinsko Banja, kola ine adukativno-rekreaciono tabijati.

Rama Jašarević direktori Ćher kulturakoro e Roma, vačeri soj si resipe akala em panda esavke planerime ekskurzijengoro em  dromengoro te bi e terne Romenđe delape šansa em  šaipe te  pošukar  penđarćheren  plo rig em prli raštra. Jašarević molarini so si akava  surat edukacijakoro ternengoro motovđape but kamjabijalo  jel aso terne si  manglo em popularno, em so pobuter olendar  motovenape adalese so ko aver čane ne bi šaj ađar nesavo te điđivdinen.

„Ano berš  duti hisamedalinav  ano nasave aktivnostia  kola  organizuini o Ćher kulturakoro, a azaluthne ano esavke programia. Čerdo čedime  hisamedalengoro  si but  šukar. Uzali zabava em rekreacija  me em mle amala a em sa  aver panda  ava đi o neve đandipna, buljara bučakere navike, penđarćhera  amenđe nasavo nevo, motovćherela o studenti Učiteljskone fakultesoro Kadrić Ašim.