|
E Roma ka krisinen sar ka alosaren plo Nacionalno konsili |
 |
 |
 |
|
Napisao JUGpress
|
|
utorak, 02 mart 2010 00:00 |
|
Leskovac/Beograd
Đi o 1.mart ano azuluthne alosarde sućha romane nacionalno minoritese registruime 30.125 alosarćherde, a te bi o alosoripe aso Nacionalno konsili romane nacionalno minoritesoro ovela bimaškaruthno a.p. pandlo e vorba, valjani ko sućhi te ovel majari 43.277 pervaćherde romane nacionalno minoritesere.
Nenad Petković, hakajo godićherdo Ministriakoro aso manušikane em minoritetska pučiba molarini soj si e šansa realno, jel đendo anoramosećherde Romengoro pa hakaj krlea sakoj dive ano maškaripe pobarjola aso pobuter oto 1.000 neve alosećherde em soj si but čače te lunđarinipe adale tempoa đi o agor e kurčesoro.
Kobor đi o 9.mart ano azuluthne alosarde sućhia na ramosićherenape panda 13.153 Roma pa hakaj krlea, kana ikljola o roko aso anglevaktesoro klidaripe e alosarde sućhengoro, džene Konsilesere na oven alosarde elekrorskone sistemea, kova si but pari demokratično oto bimaškaruthne alosaripa.
Zorale aktivnostia romane organizacijengoro, romane aktivistengoro, organizacijengoro civilnone amalipnasere em kampanja Ministriakoro aso manušikane em minoritetska hakaja lunđarinenape ko panda čediba em bičalipa mangipnasre aso ramosiba e Roma ano azuluthne alosarde sućhia.
Ani kanpanja aso pandle e vorba aloseripa Romane konsilese amalinđape em Misia OEBS-a ani Srbia. Pandle e vorba aloseripa ka anenćheren te jekhtrinćherdi ano nevo Romano nacionalno konsili te oven džuvlja.
Ministri aso manušikane em minoritetska hakaja Svetozar Čiplić, ko torniko, 02.mart 2010.berš, ka avel ko dikipe ano Nacionalno konsili romane nacionalno minoritese ani palata Beograd(Beogradjanka), em ka ičeri konferencia asi i štampa pa fundona tema: Analiziripe điavdusuthno anoramosipe e Roma ano azuluthne alosarde sućhia.
|
