JUGpress

Shkruar nga JUGpressi

E martë, 27 dhjetor 2011 00:00



PRESHEVË





Unioni Demokratik i Shqiptarëve (UDSH) ka paralajmëruar se zyrtarisht
do të kërkojë nga qeveria e Kosovës

 dhe e Serbisë që ta vëjnë jashtë fuqisë pjesën e marrëveshjes për
lëvizjen e lirë, e cila i obligon qytetarët të paguajnë
për hyrje në Kosovë dhe UDSH ka ftuar edhe partitë tjera dhe
"subjektet jopolitike” që së bashku të veprojnë me kërkesën
 për anulimin e kësaj pjese të marrëveshjes dhe paralajmëron mundësinë
e organizimit

të "padëgjueshmërisë qytetare" deri në heqjen "e kësaj mase
diskriminuese për popullatën e Luginës së Preshevës",
 thuhet në komunikatën e kësaj partie. Në partinë, e cila vepron në
territorin e Preshevës,

Bujanocit dhe Medvegjës theksojnë se deri në ditën e zbatimit të
marrëveshjes, opinioni nuk ka qenë i

 njoftuar se " shqiptarët e luginës së Preshevës do të ndëshkohen,
respektivisht se do të paguajnë tarifat e

 sigurimit për automjetet që hyjnë në Kosovë".
"Zbatimi i kësaj marrëveshjeje do ta pengojë lëvizjen e lirë të
qytetarëve të Luginës së Preshevës në drejtim

 të Kosovës. Konsiderojmë se kjo do të jetë një pengesë shtesë, e cila
do të ndikojë në përkeqësimin e

 pozitës së shqiptarëve sepse deri tani kjo ka qenë e vetmja portë e
hapur drejt komunikimit me Kosovën",
 theksohet në komunikatë dhe shtohet se  "në kohën kur Kosova dhe
Serbia pretendojnë që t’iu bashkohen

familjes evropjane, e cila çdo ditë po i bën kufijtë të parëndësishëm,
këto dy shtete edhe më tej i mbyllin

rrugët e komunikimit për qytetarët e vet". UDSH konsideron se kjo më
së shumti i godet shqiptarët e Luginës

 së Preshevës, për të cilët thotë se janë "në buzë të egzistencës
sociale dhe të pasigurisë politike" dhe

paralajmëron se një vendim i këtillë "do t’ua mbyllë perspektivën për
jetë normale".