JUGpress

Beograd

Ministro aso manušikane em minoritetska hakaja ani Vlada Republika Srbijakoro Svetozar Čiplić pašo Maškarselorikano dive dijakiri ćhib-21.februvar, molarinđa soj e godipnasiri oto arakipa nacionalno identiteto čerdi ko barjovipe dijakiri ćhib em kultura.

Čiplić si ikljovačerđa soj barikane te i srbikani ćhib, numaj em ćhibija nacionalno minoritengiri  arakenape jel bezo olengoro nane identiteti em barvalipe kulturakoro, em panda vačerđa so e godipnasiri dikivljaripnasiri minoriteskone nacionalno katanipnaseren  našti te barjačeripe bezo arakipa dijengere ćhibija.

Ov si motovćherđa so si valjani ano vakhti ano kova sikljova rigome ćhibija em isiamen kamipe te ova tatadre ano bulo katanipe te araka dijakiri ćhib, em motovđa so ka i resorno ministria em  Pokrajnsko sekretarijati asi kultura ka  ramosaćheren  Maškarselorikano dive dijakiri ćhib  ko ponedelniko, 22.februvari ano Baron saloni ani Palata Srbijakiri.

Generalno čedipnasiri UNESK-i  1999.berš anavčerđa Dive e dijakiri  ćhib, sar irinipe ki godi e studenten kola si 21.ferbuvara  1952.berš mudarde ani Daki, ano orjentalno Pakistan avdije Bangladeš,  adalese so čerde protesto so olengiri dijakiri ćhib na leljape sar oficijalno ćhib.