JUGpress

Beograd

Ko čedipe ičerdo paše o Mašakrselorikano dive e dijakiri ćhib, ministro aso manušikane em minoritetska hakaja ani Vlada Republika Srbijakiri Svetozar Čiplić motovđa soj si e Srbija aso barjovipe dijakiri ćhib sar te o peravćherde nacionalno minoritengere arakena em  barjačerena o identitet em saik ovena kotor akale amalipnaserese, jel  bezo adava nane multikulturalnost.

Ov vačerđa so e lumija dikelape ano jača pa sumornona statistika  koja motoj so sakoj duj kurče mudarđola po jekh ćhib en motovćherđa so ani lumia avdie isi pobuter oto  6.000 ćhibija em  soj si e ćhib elementi bezo kova nane edukuipe em kultura.

„Arakipa e ćhib, anglo sa  o ćhibija  nacionalno minoritengoro, azluthne si barikano, numaj  em rajono  ano kova e Srbija šaj te ovel misal avrenđe. Ani AP Vojvodina isi panđ zavodia asi kultura kola si gatisarćherde dikavapnase kulturenđe nacionalno minoritengerenđe.


Napia respetimnasere avre ćhibijengoro si napia pekljačeriba ple katanipe, Srbija si multikulturalno katanipe, a AP Vojvodina ćerenjakoro misal komponoimnasoro em harmonizaciakoro aver averipnasoro. Ani  AP Vojvodina oto 154 mediska proizvodia, 135 si ko ćhibija minoritengoro, opro so si ikalde but pustika ko ćhibija minoritengoro,so nane semo rezlutato anglune bučakoro, ake em drom motovdo aso avuthne aktivnostia”, motovćherđa o Pokrajnsko sekretari asi kultura AP Vojvodina  Milorad Đurić.

„Ki lumia nane bare thaj tikore ćhibija, sar semo bare thaj tikore ođa. Sa o bare religije anglepenđarena manaipe lafjoresoro. Ćhibija kolenca na kandelape, maškaripna ko kolende na ramosićheripe i istoria, ačovena te oven, sar em o manuša  kola olenca kandlepe” motovikljaćherđa i lilljarćherdi  em dinđaćherdi poćinesiri kurčesiri NIN aso romani beršesoro Grozdana Olujić.