JUGpress

Minority Rights Group International(MRG) amaluthne organizacije ani Makedonija em Romano dewmokratsko barjovipe amalesoro „Kham“ motovćherna  laganalno daravipe aso krisinipe 20 romane njama kola si talo zori e švedskonakere vladače  te „kokore mangena“ te irinen ko Kosovo em  motovena ko motovipnasere kola motovena so Roma kola  zorea  terinenape ko iriniba ko Kosovo, so si  kontinuirano diskrisime em  so pagle lengere  manušikane hakaipa.

Ano đendoćherde  suroia  e diskriminacia đala ađar so on nane ano stanje te penđarćherenpe  sar Roma, pa si  zorićherde te identifikuinenpe sar Aškalije jel Egipćanja, sikavćheren o organizacije.

Programsko direktori Minority Rights Group International-a Snježana Bokulić, vačeri, “E Švedska valjani te anelčerel, anglal sar so o Roma irinen ko Kosovo, čerde trujalipnasre  kola ka  dellenđe te đivdinen ano dostojanstvo em bezi diskriminacia em na valjani  sa o vakhti te ovel  irinđa ani situacia ani koja si đene paldime”.

“Pobuter Roma čivenape ano aeroplania em kana avena ko aerodrome ani Priština, on si bezo nisavi suportacia  ano godipe  e  ćherbešipnase, sastipnasere arakipnase em  butićheripnase. I situacia si azuluthne  pari aso čave kola đivdinde ano evropska phuvja oto bijandiba em đele ano thanuthne sikade. Načojba penđaripe albansko jel srpsko ćhib manaipe so on našti te ramoserćherenpe ano sikade ko Kosovo, a na čerde alternativna aranžmani  sar bi šaj te čerelpe lengoro edukuipe” motovela e Bokulić.

MRG si darala aso protektorati  e Roma  irinćherde. “Emkaj  o Kosovo krloćherdiserđa plo biadhinalipe  2008., nisavo na puravinđape ani praksa aso Roma em olengoro krotko siđivdipe” motovćherela MRG.

Nadir Redžepi, ando romano demokratsko barjovipe amalesoro “Kham”, vačeri: “Pobuter manuša ko Kosovo, panda sa o vakhti  pačavnini  so si e Roma sombutinde đikaj ine o maripe, so automatski anela olengere đivdipna em ačojba najsiguro pa šereserea irimna”.